تكفوووون ادخلوووو

السلام عليكم ورحمة الله وبركاته.
كل عام وانتم بخير.
انا عضو جديد
من اكثر من سنه ترددت كثير بالتسجيل بهذا المنتدى..وسبب ترددي بطرح مشكلتي لاني لم اشاهد ابدا حاله مثل حالتي لم اشاهد وسواس بالمنتدى مثل موضوع وسواسي نهائيا..
للامانه منحرج كثير بطرح الموضوع لكن بنفس الوقت والله ماتدرون الالم اللي أعيشه اتمنى الموت كل يوم 
ابي تفاعل بس عشان اكتب مشكلتي
انتظر تفاعلكم
انا خلاص راسي راح ينفك نصين

للامانه محتاج للمساعده
لاني على وشك انتحر

25 المشاهدات ومافي احد يرد
ياشباب حالتي حااااله طارئه
واطلب منكم التفاعل والمساعده خصوصا من الاعضاء المعروفين بالمنتدى مثل الاخت مناي وزهره وابو مشخص..
وكلكم مابتقصرون ان شاء الله

حياك الله اخي الحبيب 
اطرح مشكلتك ولا تستحي

هذي مشكلتي..
زمان لما كنت ادرس بالثانوي كنت مستعجل متى اخلص الدراسه عشان اتوظف و (اتزوج)..
كانت افكاري جدا ايجابيه عن (الزواج)..
كنت اذا سمعت طاري زواج افرح وانتظر متى اخلص الثانوي..
المهم..تخرجت من الثانوي كنت على طول بدور اقرب وظيفه لكن بمحاولات من الاهل اني اكمل دراسه في الكليه الصحيه والحمدلله كملت دراسه..
اذكر كان عندي اختبارات وانا فاتح الكتاب اذاكر
تذكرت ( الزواج ) كنت انتظر متى اخلص دراسه عشان اتزوج..المهم وقت المذاكره قلت بقوم ع النت بقرا عن الزواج..
وقريت ماحصلت الا كلام يسد النفس كله عن الضعف الجنسي وكله شباب يشتكون من الضعف الجنسي ضعف الانتصاب ومدري وشو..
من وقتها بدا الخوف وصرت اقرا يوميا يمكن لمدة 3 شهور وكل ماقرا جمله احس بصدمه وخوف قوي..
صرت اوسوس اني ضعيف جنسيا وصرت امارس العاده السريه حتى اتاكد من نفسي ..
اعرف مافيني شى والله مافيني شى..
لكن حتى فكرة الزواج اللي كنت اتمناها صارت تخوفني بشكل مو طبيعي من شدة الخوف قسم بالله يطلع لي حبوب في بطن رجلي وصخونه وكل شى سيئ..
كملت الدراسه والحمدلله توظفت وانا الان ممرض ومن سوء الحظ دوامي بمستشفى كل ماشوف بنت اجلس اوسوس وتزيد الوساوس لدرجة انعزل بغرفه بالمستشفى حتى ماشوف البنات..
اعرف ان غلطتي قراءتي بالنت واعرف انه مافيني شى عضويا..لكن خلاص فات الاوان وسيطرت علي كل هالاعراض قلق خوف وسواس اكتئاب..
احس خلاص الشى اللي اتمناه من صغري ماراح يتحقق..
واذا تحقق ماراح افرح بالموضوع مثل لما كنت انسان طبيعي..
كانت افكاري عن الزواج جدا ايجابيه..
الان افكاري عن الزواج مو بس سيئه لا والله الا كلها مصائب وكوارث وانه لو تزوجت ماراح انجح وراح اطلق وحتى لو نجحت هذا وسواس قهري راح يستر معي.....الخ
والله افكار ماتنعد..
اذا فيه كلام المفروض ماينكتب عام اعذروني ويشهد الله لي اكثر من عام اتردد بالتسجيل هنا لكن خلاص تعبت اساعد نفسي حاولت حاولت اخذت ادويه اجتهدت بتطبيق الخبير النفسي
والله ان حالتي تزداد سوء اكثر اذا طبقته وارجع اوسوس حتى لا تزداد حالتي..
اذا الموضوع فيه كلام مو زين احذفوه وسامحوني
ويشهد الله اكتب واحس بخنقه قويه

مىحبا بك اخي الكريم ـ ـ ـ 
كلنا اذان صاغية ـ ـ ـ فلا تقل انتحر ـ ـ ـ هده الكلمة شيلها من مصطلحاتك ـ

اهلين اختي مناي
جاابك الله

للعلم ان الاهل يحاولون فيني بالزواج
وانا والله اتمنى الزواااااااج
لكن مدري فيه خوف

الحمد لله مفيش شيئ سيئ ـ ـ ـ 
خوفتنا لكن الخوف من الزواج عند فئة عريضة من الشباب لست وحدك يحدث لهم هذه الفوبيا وكذلك البنات يخافون بشكل مختلف ويتعلق الامر بالعذرية وغيره وكله لانه لم يتعلم شبابنا ثقافة جنسية صحيحة ومن مصدر موثوق ـ
اول شي لا تخشى شيئا كله لخبطة معلومات ـ ـ 
ثاني شي لازم تبطل العادة السرية ـ ـ ـ
اظن انك تحتاج تصحيح معلومات فقط ـ
وما تبحث في النت عن المشكلة لاحقا ـ ـ ـ 
والاخ تحدوه البشر سيحيل لك روابط البرنامج وينصحك انا اكتب مز الجوال ـ ـ ـ كتبت لك قبلا ولم يعتمد ردي ـ ـ 
لا تقلق من تاخير الردود ـ ـ

والله يا اختي مناي ماخليت ولا طبيب نفسي مارحت له
انا ماعد اقرى عن الموضوع لان اصلا متاكد 100% مافيني شى
لكن صرت اوسوس اني مريض نفسي واني بمرض نفسيا مع زوجتي وتكشفني ويحصل طلاق واخاف ماحبها واخاف مدري وشو.......
الحين صاير اخاف حتى من الاكتئاب ومن حالتي انها تسبب لي ضعف وكذا والله تعبت

اخوي تحدوه الله يوفقك
كلها قراتها وحاولت تطبيقها صح ارتاح يوم واحس بالفرق
لكن فجاه انتكس والاحظ ان الوسواس خارج عن ارادتي يجي فجاه واصدقه فجاه يعني مايمدي اتجاهل..
وغير كذا الم بالراااااس وضيقه قويه

خذي راحتك اختي مناي مو مشكله
لكن لاااااا تنسوني
والله ماستغني عنكم

جرب البرنامج مرة اخرى وخليك معنا ولا تترك يوم نعم ويوم لا ـ ـ ـ 
نحن نريدك تواصل حتى لو اصابك كا قلت وضغطت عليك نفسك اصبر شوي وسترى ـ ـ ـ 
ضع تقييمك اليوكي هنا حتى نرى لما تتراجع بالعلاج ـ ـ ـ هي خطوات ستسير عليها وقت وبعدين ترتاح ـ ـ ـ 
الله يشفيك اخي وانت لست بحاجة لطبيب وادوية اصلا تلك الادوية لا تاثيرات ـ ـ ـ 
اهم نقطة هي انك تطمئن وجط في بطنك بطيخة صيفي ـ ـ ـ ههههههه
المسالة نفسية بحتة وتغيير مفاهيم خاطئة ـ ـ ـ
والبقية البرناج يغنيك عن الطبيب ـ ـ ـ 
لا تنس التقييم ـ ـ ـ

الله يوفقك ويسعدك يامناي..
اوك خلاص من بكره ارسل لكم التقييم

1_ القناعه بان هذه الأفكار المزعجه مِن الشيطان
( 80% )
2_ الاستعاذه بالله مِن الشيطان الرجيم ومعرفة كذبها ( 70% )

3_ اعتقاد نقيضها و الفرح بالنتيجه ( 80% )

4_التوقف عن الاسترسال معها وعدم النقاش
( 85% )
5_ عدم تتفيذ الفكره الوسواسيه التي يلح عليها الوسواس
( 100% )
6_ابتعد عن الوحده و الفراغ
( 40% )
7_اذا جائتك فكره فاشغل نفسك بأمر اخر ..
( 60% )
8_ استمر على فعل هذه الخطوات مع كل فكره تسلطيه تواجهني ( 90% )

9_ابتعد عن الحزن و الانفعال وأكثر من الابتسامه
( 80% )
10_ ابتعد عن الشكوى للأخرين ( 100% )

11_ يجب ان انسى المرض نهائيا ( 85% )

12_ اذا احسست بأعراض الخوف فاعلم ان ذلك من الامور الطبيعية ( 30% )

والله بديت احس اني شوي وارجع لحالتي الطبيعيه قبل الوسواس
اتعب كثير كثير ساعه ساعتين وبعدها احس براحه وهدوء مو طبيعي احس بطمأنينه بعد ماتعب من الضغط والاكتئاب

الحمد لله على كل حال ـ ـ ـ 
ابتعد عن الوحدة وحاول تثق بنفسك وبصحة العلاج ووزيف الوسواس ـ ـ ـ 
ننتظرظ النسبة ترتفع ـ
موفق اخي ـ

الله يوفقك اختي مناي
ويوفقك اخوي تحدوه
باذن الله اكتب قصتي بمنتدى المتعافين انا متفائل بقوه ومن بدأت
حالتي الى اليوم وانا متاكد ومتيقن انه بيجي اليوم اللي ارجع فيه لحالتي الطبيعيه..
اليوم بعد تطبيق العلاج والله ثم والله رجعت حالتي الطبيعيه يمكن بنسبة 85 الى 90%
صح يجيني فتره اتضايق بس على طول اقلبها ابتسامه بكل ثقه..
رغم اني قسم بالله كنت اتوقع حالتي مافي مثلها وانها اصعب حاله
لكن الحمدلله تحسنت كثير..
لكن المشكله مستقبلا اختي مناي كيف يستمر الشفاء ..
اسف على الازعاج لكن قسم بالله مانساكم من دعائي
لانكم تساعدوني في تحقيق امنييييييييتي

ان شاء تشفى وتنسى كل هذا ويصبح من الماضي ـ ـ ـ 
اكيد تعلمت منه شيئا ـ ـ ـ 
لما تتعافى ما راح تسال كيف اكون بل ستكون تلك الحالة الطبيعية الخالية مظ الاسئلة غير المنطقية ـ ـ ـ 
لا تستعجل امشي على بثبات وسيثبتك الله وستعيش حياه جميلة ـ ـ ـ 
ولاباس عليك ـ
لا تكثر من الاسئلة المستقبلية توكل على الله وخذ بالاسباب ـ ـ ـ 
والله يرزقك الزوجة الصالحة والذرية الطيبة ـ ـ ـ 
اكمل البرنامج والتقييم حتى تثبت على ارض صلبة مية مية ـ

والله بصراحه عزيمتي رجعت كثير حتى مالي نفس اقيم نفسي من النكسه

خالد خالد كتب:

والله بصراحه عزيمتي رجعت كثير حتى مالي نفس اقيم نفسي من النكسه

اذا وصلت النسبة 100% في جميع الخطوات بعد كذا طبق بشكل عشوائي 
اما الآن لابد من الوصول الى 100

صادق
بس المشكله مثلا كنت في وحده وتذكرت اني لازم اطلع من الوحده أأجلها اقول من بكره ببدا
ومن بكره الى بكره..
ايضا عندي فكره انو حتى لو تخلصت من افكاري من التطبيق
ماراح تجيب لي هالدوره وهالتطبيق افكار ايجابيه وهذا اللي مضايقني ويخلي عزيمتي تتراجع

انا كنت مثلك بالضبط كان اقول لازم اطلع من الوحده 
وكان مضايقني حتى دخلت دورة الافكار وسالت الخبير عن الوحده 
قالي انا ما اقصدك دامك اجتماعي خلاص 
انا اقصد الاخوه الذين يتهربون من الاجتماعات (الرهاب الاجتماعي)
بس انا اقول لك اذا اضطريت تكون لوحدك عادي 
وابتعد عن الفراغ

لا انا ماعندي مشكله احضر مناسبات واطلع من البيت من بعد صلاة العصر مارجع الا بعد المغرب
واذا رجعت البيت تحصلني لوحدي بغرفتي ماطلع منها
مو رهاب لا..
لكن من الضيقه ..
لكن اللي بساله هل مع التطبيق والتخلص من الافكار السلبيه هل فعلا تكون افكاري ايجابيه ؟
ولا بطبق البرنامج طول عمري ؟