امازال هناك أمل لاعود كاسابق

القناعة بأن هذه الأفكار المزعجة إنما هي من الشيطان %67
الاستعاذة بالله من الشيطان الرجيم ، ومعرفة كذبها %72
اعتقاد نقيضها ثم الفرح بهذه النتيجة %77
التوقف عن الاسترسال معها وعدم الاستمرار بالتفكير بها %80
عدم تنفيذ الفكرة التي يلح عليها الوسواس %80
ابتعد عن الوحدة والفراغ فهي أساس المشكلة %75
إذا جاءتك الفكرة فأشغل نفسك بأمر آخر %75
استمر على فعل هذه الخطوات مع كل فكرة تسلطية %70
ابتعد عن الحزن والانفعال وأكثر من الابتسامة %72
ابتعد عن الشكوى للآخرين وحاول أن تثني على نفسك كثيرا %100
يجب عليك أن تنسى المرض نهائيا ولا تجعله شغلك الشاغل %72

إذا أحسست بأعراض الخوف فاطمئن واعلم أن ذلك من الأمور الطبيعية %77

تقيمي لليوم ان شاء الله في تحسن

اخواني عندي استفسار
اليوم هاجمتني دوخه قويه وغير كذا كل ماجيت اشرب او اكل شي احس بالغصه وكأنه وقف بحلقي ورد اطلعه بسرعه
وش السبب الي خلا الاعراض ترجع من جديد ؟
هل الاعراض تخف فتره وترد ترجع لين تختخفي ؟ لاني دايم اشوف يصير معي كذا تخف وفجئه ترجع قويه وكأنها مثل اول مره
استفسار تاني
اذا اشرب ماي احس بقلبي يدق بسرعه هل هالشي توهم ؟

هذه أعراض الوسواس
وهي تزول بزواله الامر طبيعي
لا تعطيها أدنى اهتمام تجاهليها
المطلوب منك رفع التقييم يوما بعد يوم

القناعة بأن هذه الأفكار المزعجة إنما هي من الشيطان %67
الاستعاذة بالله من الشيطان الرجيم ، ومعرفة كذبها %72
اعتقاد نقيضها ثم الفرح بهذه النتيجة %77
التوقف عن الاسترسال معها وعدم الاستمرار بالتفكير بها %80
عدم تنفيذ الفكرة التي يلح عليها الوسواس %80
ابتعد عن الوحدة والفراغ فهي أساس المشكلة %75
إذا جاءتك الفكرة فأشغل نفسك بأمر آخر %75
استمر على فعل هذه الخطوات مع كل فكرة تسلطية %70
ابتعد عن الحزن والانفعال وأكثر من الابتسامة %73
ابتعد عن الشكوى للآخرين وحاول أن تثني على نفسك كثيرا %100
يجب عليك أن تنسى المرض نهائيا ولا تجعله شغلك الشاغل %73

إذا أحسست بأعراض الخوف فاطمئن واعلم أن ذلك من الأمور الطبيعية %77

تقيمي لليوم ان شاء الله في تحسن



اخواني لدي استفسار
الحين لمن مثلن اكون جالسه وفجئه حسيت بدقات قلبي
وعدلت جلستي عشان اشوش ع نفسي وما اركز بالدقه
هل يعتبر هذا هرروب ؟
ولا المفروض اظل ع نفس الجلسه

خليك على نفس الجلسه
انتي عدلتي جلستك عشان ما تركزين بالدقه وهذه ردت فعل المطلوب ان لا تقومي بـ اي ردت فعل تجاه الوسواس
خليك طبيعية وكأن الوسواس غير موجود

اليوم احس نفسي موشوشه مو عارفه احط تقيم
من جلست الصبح وتجيني اخبار ورسايل عن الموت
طنشت ولاهتميت واذا جتني فكره اشغل نفسي بس قبل لا انام الكلام كله الي سمعته او قريته كله صار يتردد فبالي كل ماشغلت نفسي احس في حاجه براسي مشغوله ، وغير كذا انا اليوم طلعت لوحدي عندي دورة مدتها 3 ساعات وانا من النوع الي نادر جدا اذا طلعت الى مكان الى وحدي فحسيت نفسي شوي متوتره من الناس الموجوده وجتني افكار شلون لو اموت عليهم الحين ماحد بيعرف اهلي وووو كل ماشغلت نفسي بشرح الاستاذه الا في شي نغص علي مو راضي يروح لازق فيني اليوم
وغير كذا صار لي يومين جدول العباده الي عاملتنه مالتزمت فيه يدوب اقرا المعودات بعد كل صلاه ونشغل فيجيني احساس فضيع وكأن في شي غلط انا مسويتنه في شي ناقص يعني مر اليوم وانا ماتعبدت فيه يعني في شي غلط هذا الاحساس ملازمني من ابتدا معي الوسواس
كتبت الكلام بسرعه وماراجعته يدوبي قدرت افضى وشبك

ــــ شيئ طبيعي جدا ترين هذه الشدة مع الوسواس لانك بدات الحرب ولما تكون المقاومة عندك ضعيفة بعض الشيئ يجد الفرصة ليزيد من الضغط اكثر واكثر 
والاسلوب الصحيح هو ان زدتم زدنا ـ ـ يعني هو يضغط انت قاومي واصمدي واثبتي مثل اطفال فلسطين مع اليهود ـ ـ انها نفس الحرب ـ ـ بين الحق والباطل ـ ـ وانت لا تحبين تكوني مستعمرة بيعبث بها الشيطان كما يشاء ـ ـ 
الحل هو مزيد من الهمة والعزيمة لاستكمال المهمة والنجاح فيها ـ ـ 
لا تتنازلي واجعي للبرنامج التعبدي واجتهدي قدر الامكان ـ

طيب اخواني عندي استفسار
من شوي صار معاي موقف ما ادري هو من الوسواس ولاهذا شي طبيعي
كنت اسبح ولدي الصغير بالمجلى حق المطبخ
وكنت خايفه اتباعد عنه ويوقف يطيح وظليت جالسه جنبه ورن جوالي بس التفيت وراي اشوف من المتصل ويصرخ ولدي بالهحظه حسبته طاح ولفيت لبسرعه مختلعه الا هو قاعد يلعب بس ع طول عرق جسمي وصار يرجف وايدي اليسار احس فيها رجفه اكثر ضايق نفسي وبطني احس فيه شي ودوخه خفيفه
وفكره تردد براسي اكيد قلبي بصير فيه شي من الخلعه
علموني الله يجزاكم خير هذا هبوط من الخلعه ولاوسواس بعد

هذا ممكن يحدث حتى للناس الطبيعيين فغلط صغير ممكن يؤدي بالضرر على الطفل ولازم الحذر والحيطة.
مثلا الكلام بالجوال أثناء الجوال فيه خطر محدق بالناس ولكن لازم الحذر والحيطة حتى لا يحدث حادث ولا نقول الحذر وسواس .
الله يحفظلك ابنك ممكن الموسوس لديه حساسية زيادة وهذا ما حدث لك لكن ردة الفعل أظن أنها طبيعية لأنك بالفعل ولدك في وضع خطير نقول وسواسية لو كان ابنك ليس بذلك الوضع وتخيلت هذا وخفت وبدت عليك تلك الأعراض .

للاسف حتى اليوم ماني عارفه اقيم نفسي احس كل شي واقف مافي تقدم اليوم كأني قاعده ارجع الى ورا بشويش
شاغله نفسي بقدر الامكان حتى سجلت بدورة عشان اشغل نفسي وما اقعد افكر بس مدري شلون هاليومين مقلوب حالي واليوم احس بزياده لدرجه ماودي انام الحين خايفه

مازال هناك أمل كتب:

للاسف حتى اليوم ماني عارفه اقيم نفسي احس كل شي واقف مافي  تقدم اليوم كأني قاعده ارجع الى ورا بشويش
شاغله نفسي بقدر الامكان حتى سجلت بدورة عشان اشغل نفسي وما اقعد افكر بس مدري شلون هاليومين مقلوب حالي واليوم احس بزياده لدرجه ماودي انام الحين خايفه 

لا تستجيبي للشيطان
وهذه فكرة وسواسيه خبيثه . لاتدعينها تمر مرور عادي

أكسري بيضها ولا تبالين

تعوذي من الشيطان وعيشي حياتك و هذا هو الانشغال 
حاولي تقرأي قرآن على مهلك وتعيشي جو روحاني مع الله

فكري في طبخات أو إعادة ترتيب منزلك
وفكرة التسجيل بالدورة التثقيفيه وعلى تنشغلي جدا روعه
وإحنا نتوقع الشفاء قريب
والتقييم حاولي تقيمي نفسك نقطه نقطه عادي لو كانت 10 % أهم شيء التقييم ☺

مثلما عشت السلبي بكل حذافيره عيشي الاجابي بكل حذافيره لماذا تنقصين ولا تتقدمين ـ ـ 
لا لا لا ليس انت هذه انسانة اخرى تتكلم ـ ـ 
انسانة رفعت الراية البيضاء بمنتصف الطريق ـ
لا تخافي نحن معك ندعمك واكيد لنت كنت بالطريق الصح بدليل هذا التعب وهو امربيعي جدا مثل مرارة الدواء ـ

اشكركم اخواتي ع المتابعه لحالتي
اليوم صحيت من النوم وكلي تفائل وعندي عزمه ارد مثل قبل وافضل هاليومين الي راحت بعتبرهم استراحه من الحرب مع الوسواس
بس للاسف ماجات العصر الا وانا منعفس حالي
طبعا شفت بالتلفزيون حاطين من يومين صورة المرحوم الشيخ راشد جاني احساس يقول لي اكيد سبب موته جلطه بس مافكرت من الخوف ابحث او اسأل وبالصدفه العصر لقيت صورته بالاستقرام ومكتوب سبب الموت ومن قريت الخبر ما ادري وش الاعراض الي جتني ولاحاسيس خووووف وكأن بصير فيني هالشي ابغى بس اقوم بسرعه اقرا قران وستغفر ربي لا اموت وعلي ذنوب
حتى من الخوف قلت اليوم مارح اطلع لدورة ماني رايحه المركز اخاف اموت عليهم بس شديت ع نفسي ورحت قلت الي كاتبه لي ربي بصير
بس ماني قادره احس الكلمه تتكرر براسي وش اسوي بالدورة اكون مشغوله مع شرح الاستاذه بس غصب تتكرر الكلمه واحس اليوم يومي
شورو علي وش اسوي
احسن روحي افضل من قبل بس طاري عذا الموضوع لا ارادي يتعبني
معقول في احد كان مثلي وصار زين
ابغى اصير مثل هالناس يقرو عن الموت والقلب ولا يتأثرو

هذي نقطه أستغلها شيطانك

نصيحه لا تبينين للشيطان خوفك
فقط تجاهلي وعيشي حياتك

بعدين التقييم مهم

لابد ترسلين تقييمك

تقيمي احسه مثل ماهو اخر مره ما زاد حطيت التقيم

طيب والحل مع هالنقطتين المشكله لا ارادي يجيني شعور الخوف وما اقدر اتجاهل هالشي الا بعد مرور عشر دقايق اقعد اسبح وقوم ادور بالشقه
متى بقرا الكلام او اسمع عنه و ما اتأثر فيه

مازال هناك أمل كتب:

تقيمي احسه مثل ماهو اخر مره ما زاد حطيت التقيم

طيب والحل مع هالنقطتين المشكله لا ارادي يجيني شعور الخوف  وما اقدر اتجاهل هالشي الا بعد مرور عشر دقايق اقعد اسبح وقوم ادور بالشقه
متى بقرا الكلام او اسمع عنه و ما اتأثر فيه

اختي فيه سؤال ، إذا جاوبتي عليه بإجابه صحيحه راح تتشافي خلال عشر دقايق إن شاء الله

السؤال .. هل الأفكار صادره منك وإلا من الشيطان ؟

الأجابه أبغاها على طبيعتك لا تتذكري البرنامج في الإجابه لأننا نريد أن نعرف السبب

والله ما ادري وش اقول لك ياخوي
قبل لا اسجل معاكم وانا عندي اقتناع 50 % انها اعرض مرض ، ونفس الوقت عندي اعتقاد وسواس شيطانيه 50%
بس من سجلت وياكم تغيرت النسبه شوي صرت اعتقد وسواس شيطاني اكثر
الاعراض الي عندي الحمد والشكر لله خفت بوايد عن قبل بس الي مزال العرض الي متعبني اذا سمعت شي عن الموت او مرض القلب لا ارادي الاقي نفسي اخاف وارجف ويضيق نفسي وعرف كأن هالشي بصير فيني ، وصير زي الحزينه ما ابغى اشوف احد ابغى اهرب وقعد اسبح وستغفر وقرا قران احس كأن هذي اخر لحظاتي وابغى الحق اسوي لي اعمال فيها
اهني اني ما ادري هذا وسواس من الشيطان ولا وشو ؟
لانا من اسمع احد مات تجي الاعراض ع طول
بس الحمدلله صرت ع طول اقعد استعيذ من الشيطان وقرا المعودات شوي شوي تخف الاعراض بس تظل الفكره براسي كأن احد يذكرني فيها كل شوي
حتى مثلا اذا عصبت على اي سبب تجيني كل الاعراض ع طول
فهني اني احتار اسأل نفسي ذي اعراض شيطانيه ؟

( اول ماتعبت وصارت اجيني ذي الاعراض عشت فدوامه بين القيل والقال صار الكل ينصحني بشي ناس تقول حسد وناس سحر وناس فيتامين د وناس جني متلبسني او جني ملاحقني وووووو اشياء وايد فصرت اصدق ناس ورد بعد فتره اصدق غيرهم وعشت فدوامه اصدق من ولا من لدرجة صرت ما اصلي الا وانا جالسه وقت الصلاه يجيني خوووف مو طبيعي وتزيد الرجفه لين صرت اكلم شيوخ وكلهم خبروني هذا وسواس شيطان
وزي ماذكرت لك كنت اصدق ناس وبعد فتره ارد اصدق غيرهم
انا نسيت اذكر لكم اختي الكبيره دكتوره ومن البدايه للاسف كانت تنصحني اروح لنفسيه واخد دواء بس الحمدلله للحين انا مصره ما اخده ون شاء الله بتشافه بدونه

واضحة انها من الشيطان والدليل لو كانت منها فالشخص الطبيعي لو فكر مثلا انه باخر ايامه وانه سيموت اكيد  راح يقبل على الطاعات بشكل واضح ويسدد ديونه ويعنل خير يتصدق يسدد دين شخص يقيل عثرة شخص ـ ـ ـ يعتي بالختصر يبرهن عمليا تلك القناعة ـ
ومادام ما شفنا غير القلق والفزع فهذا من كيد الشيطان ـ

المشكله زوجي من بدايت تعبني وهو يكرر لي الواحد اذا فكر بشي يقع فيه بالنهايه
فصرت ديك الفتره افز زي المجنونه ما ابغى افكر بهالمرض ولا ابغى اخاف الغى اشغل نفسي
الحين الحمدلله خف بس بين فتره وفتره يرد يقول الي يخاف من شي يقع فيه
ما ادري كلامه عو صحيح ولا يكذب علي
صحيح الي يفكر بمرض يصير له ؟

أختي الجواب هو : الوسواس من الشيطان 100%

لو أتاك فتاه قالت أنا ما أرتاح حتى أسمع صوت الأكسجين في المستشفى وإلا بأموت !!
لو قالت أستخدمه يمكن تنبلع لكن تقول أسمع
وش رأيك فيها ؟!
أكيد هي مو صاحيه . لأن لو فعلها صح كان تلاقين الناس كلهم طابور على المستشفى والإشارات مليانه أو مسجلين الصوت ويكررونه . لا يعقل. صح ؟

لذلك احنا ننظر لوسواسك كذا

و الحياه سهله وغير معقده و الشيطان الي يتبعونه عقلهم خفيف

وصدقيني الموت إذا جا ما نرده . 
والشيطان غبي ودلخ وبس يشوف فكره أزعجتك صار يكررها .
أعتبريه إنسان ثرثار ويمشي معك . هل يضرك ؟

تجاهلي . حاولي تسوين عكس الي يقوله وبدون نقاش . هل يضرك ؟

صاحبي كان معاه نفس وسواسك ومتزوج بس زوجته ماتعرف للأمور النفسيه أو بالأصح تطوير الذات

قالت لزوجها أنت مو رجال . لأنك تفكر بالموت وإنت خواف وراح يجيك بعد 13 ساعه بالضبط حالة إغماء أو وفاة
جاني وقلت له إذا عدت 13 ساعه دق على جوالي . ونحدد موعد ونروح نشرب شاي ونسولف
أستغرب قال زوجتي تقول الي تفكر به بيصير لك ويمكن أموت

قلت أبد طعني وطنش وأعمل الي قلته
وفعلا بعد المده رحنا وجلسنا بحديقه
قلت وش صار . انت حي ؟
قال ايه بس الفكرة وينها
قلت هذا كذب والشيطان ما عمره صدق
لذلك تجاهل من يومها وتشافى خلال 24 ساعه
صح ضغط فظيع جاه بس الشيطان مل منه وتشافى
الله ييسر أمرك

طيب اخوي الحظه الي اقرا فيها خبر وفاة شخص بسكة قلبيه
تجيني زي النفضه رجفه قويه وحس بشي بجهة اليسار مضايقني
وشو اسوي بمثل هالموقف عشان لو تكرر تكون ردت فعلي طبيعيه ؟

تطبيق خطوات البرنامج على الفكرة الوسواسيه وهي مذكورة في التقييم اليومي
والتعامل معها بالتجاهل التام
#التجاهل التام
ويكون بايقاف الاستجابه الخارجية والداخلية
داخليا
يكون بمجرد ورود الفكرة استعاذه ثم تجاهل (انشغال بالحدث)
عدم الاسترسال مع الفكرة
عدم نقاشها
عدم الرد عليها
عدم تطمين النفس والاقناع

خارجيا
بعدم ابداء ملامح الحزن او السرحان او التوتر او الغضب او الانزعاج لان الشيطان يراك حزين فيفرح ويزيد من وسوسته
بل المحافظة على الابتسامه دائما
 

كل يوم اقول برجع احط التقيم واحس بانتكاسه شوي ويجيني احباط لاني ماتقدمت خطوه
ان شاء الله من اليوم برجع احط التقيم حتى لو كان راجع الى الورا

اخواني الفجر صحيت وحسيت بلوعه وكأن بطني فيه شي مضايقني بجهة اليسار واحس بدقات قلبي سريعه شوي وكأني لا اسطيع التنفس الا اذا سحبت الهواء
تعودة من الشيطان وقريت المعودات ونمت وعودت بعد مرور نص ساعه صحيت ع نفس الحاله حسيت بتوتر شوي انقلب جهة اليسار احس بالاعراض اكثر اقلب جهة اليمين احسها تخف شوي سميت بالرحمن وشغلت نفسي بقرائت المعودات الين غفت عيني ونمت و بعد شوي رديت صحيت ع نفس الاعراض زاد توتري شوي مع اني احاول اشغل نفسي وما اركز بالدقات
قمت صليت وانا اركع احسها الدقات اتزيد وسمعها تصير بأذني فاتوتر وصير ما اعرف اصلي وابغى اقوم اروح المستشفى
الحين الحمدلله خفت الاعراض ولاكن بقى وسواس
شي براسي يسألني وش فيش لاويش دق قلبش سريع ولاويش تسمعيه او يتردد فبالي اسامي امراض
الحين مني عارفه الي صار لي من شوي بسبب تهيج القولون ؟ مع العلم كنت متعشيا باستا وظاهر فيها قليل من البهار ( قبل يتهيج عندي القولون وصبر ع الالم ولا اخد اي دواء لين يروح من نفسه وبعض الاحيان وهذا قليل جدا يصير معي يكون الالم جدا قوي واروح اخد ابر مسكن واعتقد خديتها يمكن 4 مرات وهو معي له 7 سنوات القولون ) احس بغثيان ونفخه بالبطن والم بس ماعمري حسيت لدقات القلب
ولا ذا نوبات هلع

واني اشوف زوجي يجهز للدوام ابغى انطق وقول له لاتروح خدني وياك وصلني بيت ابوي ما ابغى اجلس لوحدي اخاف اموت وماحد وياي
بس شديت ع نفسي وقعدت وقلت الموت حق ع الكل وماحد يقدر يهرب منه وهذاني جالسه بشقتي بس مو عارفه انام

تدرون اول ماجتني الاعراض جلست 4 شهور فبيت اهلي ما ارضى ارجع الشقه مسكين زوجي غربلته وياي لين كلمتني وحده من صاحباتي تعاني مثلي وقالت لي روحي بيتش الي فيش كله وسواس من الشيطان ولاتخليه يدمر حياتش سمعت كلامها و رجعت الشقه

نعم وفقك الله يجب العودة للتطبيق بقوة الخفقان والخوف من اعراض الاسترسال مع الوسواس وايضا القولون فطبقي البرنامج على كل فكرة مزعجه ملحه لأنها وسواس
فكرة الذهاب للمستشفى والعودة لبيت اهلك خطأ وهروب من المواجهة وبالتأكيد تعني ان قبلها لديك استرسال كثير مع الوساوس وعدم تجاهل

صديقتك كلامها صح ورجوعك لشقتك فعل صواب ـ
لا تكرري نفس الاخطاء ـ ـ  يعني لما تشوفي تلك الاعراض قاوميها وحاولي تكوني هادئة وتصرفي بحكمة وذهابك لبيت اهلك ليس الحل ـ
طبقي البرنامج مع جرعة عزيمة وارادة ـ
والشيطان اضعف مما نتصور لو حاصرناه بقوة الايمان وحسن التوكل على الله ـ