وسواس الكفر

حتى المني لايخرج بطريقه هذي لاتجلعي الشيطان يضحك عليكي في امور لٱ تدخل العقل اساسا

galal11 كتب:

حتى المني لايخرج بطريقه هذي لاتجلعي الشيطان يضحك عليكي في امور لٱ تدخل العقل اساسا

فهمتني غلط انا اقصد ( الودي ) لان قريت انه يخرج اذا شلنا شيء ثقيل

لا يخرج ابدا .

وطبقي البرنامج يارغد جميع اسالتك اجابتها في البرنامج

يعني لو كبرت من فوق الكتف بشوي ما يضرني ويدي الى المرفق لما اكون بين السجدتين اخليها مرصوصه الى اخر الفخذ ولا عادي اخليها طبيعية ؟ ورجلي لو كانت مايله عادي ؟ رغم ان الشيخ قال بعض المصلين يخلي اصابعه مايله عن القبلة وهذا خطأ
وبالوضوء امسح اطراف الاذن ولا اكتفي من وراء ومن داخل وخلاص ؟
وشكرًا لك

لا يضر
خليها طبيعيه
نعم عادي تكون مايلة

يا اختي لا تكونين في الصلاة كالأله تريدين جميع اعضاءك مستقيمه .. هذا من التشدد والغلو في الدين .. ولستي مؤجرة عليه اطلاقا بل تأثمين على هذا التشدد والغلو .

انا امس لما قمت من النوم كنت مغمضة عيني واتحلم وبنفس الوقت اسمع اللي حولي ووقتها كنت اظن حشرانه مدري بس اظن اظن اني كنت حشرانه المهم نزل مني قطرات بول وفزيت على طول ووقتها جلست افكر ومعقولة جاني سلس وافكر بذا كثير والحين صرت اذا ضغطت على نفسي واي حركة احس بشيء ينزل صار لي مرتين فتشت لقيت افرازات وبس والحين حسيت فيه مرتين بعد اتجاهل؟؟ عشاني خفت منه صارت تجيني ذي الاوهام ؟

ارحمي نفسك يارغد واعلمي ان ماتقومين به والله لايرضي الله
ليس عليك ازاله جميع ماكتب في كتاب التفسير وغيره .. وماكتب ليس بقصد الاهانه وليس عليك إزالته ..
الفتوى التي ذكرتيها يقصد ان تكون ( كُتبت لاجل الاهانه )
فهل انتي كتبتيها لاجل ذلك؟؟!!
حكمي عقلك لا تكونين لعبه للشيطان .

** ثم من قال لك بأن ذكر الله محرم عندما تكون ملابسك او سريرك به نجاسه .. إذا كانت الحائض يجوز لها قراءة القران وذكر الله على كل حال
وهي ليست طاهرة .. فكيف بالافعال التي تحُرمينها !!!!

السلام عليكم
انا مزكمة فكل وقتي يخرج مني مخاط المهم ان بصلاة العشاء الحين غثني وخفت امسحه ويصير ما يجوز كملت صلاتي وبعدين حسيته خلاص بيوصل فمي واحس ما ركزت بصلاتي بس بالركعة الرابعة شاكه بالفاتحة وانا قلت لك عن الحمام لما ادخله لازم انظف بلاطه وانظف الجزمه واحيانًا اطول وانا انظفه المهم اليوم من صلاة الظهر قلت ليش تنظفين ؟ اهلك ما يسوون كذا اجل لا تسوينه وما سويته من صلاة الظهر فعلي صحيح ؟ للمعلومية انا انظفه لان الدعاسة اللي عند باب الحمام احيانًا اخواني الصغار يكون واحد منهم متسرب وعلى سرواله نجاسة وينزله ويكون واقف على الدعاسة والدعاسة رطبه من ماء الجزمة واساسًا النجاسه اللي بالسروال رطبه فاقول لما يحطون الجزمة على الدعاسة تنتقل النجاسة للجزمه ويدخلون فيها الحمام ويصير الحمام نجس بس خلاص حسيتني تعبت وتركت ذا الشيء اكمل اسحب عليه ؟
وانا قد قلت لك عن الشعر لما احط الطرحه بالصلاة يكون اطراف الشعر تلصق بالشرشف وتطلع وصرت البس شيء على راسي بعدين البس الشرشف واليوم ما فاد اعيد اتحجب من جديد ولا فيه فايدة يطلع صليت وهو طالع عادي ؟ فهمتيني باطراف الشعر وش اقصد ؟

رغد اي كملي انتي تسوين الصح،لا تتقعدين تنظفين وراك،واذا طلع شعرك وانتب ماتدرين برضو عادي،واذا تبين تتاكدين بعدين عشان مايطلع"لمي شعرك على ورا يعني رجعيه على ورا ويصير مايطلع وتقدرين تلبسين الشرشف بدون اي سي وراه،واذا عن موضوع المخاط والزكمه،انا صراحه ما ادري بس انه تصير لي احيان اخذ منديل معي في الصلاه واحيان امسح بيدي(: بس ما اتوقع فيها شي،ولاتوسوسين في هالشي ارتاحي

فهمتيني غلط بخصوص الشعر بحاول اوضح اكثر
مثلاً انتي تلمين شعرك بالشباصه اللي تجي كبيرة شوي ولما تلفينه وترفعينه على فوق يبقى شعر على فوق يعني ولا كأنه ملموم فهمتي ؟ ولما تلبسين الطرحه تطلع
الحين امسكي خصلة من شعرك شفتي اخر شيء من شعرك اخر الاطراف توضح حتى لو لبست الطرحه تطلع ناقزة
او لما تلبسين شرشف الصلاة ومسكتي راسك راح تحسين فيها وتفهميني

حتى لو ظهرت لا تضر الصلاة .. جميع النساء يلبسون شرشف الصلاة بدون لبس شئ اخر .. فتوقفي عن تنفيذ افكار الوسواس التي لا تنتهي .

س١/ صلاتك صحيحه

س٢/ هل رايتي انسان طبيعي يغسل بلاط الحمام والدعاسه وغيره !!!
اي تصرف تقومين به ولا يقومون اهلك به اعرفي انه خطأ وتصرف غير طبيعي .

باقي اسئلتك جوابها في البرنامج العلاجي .

الله يشفيك

السلام عليكم ورحمة الله وبركاته
١- انا تذكرت شيء صار لي واللي هو كنا بالمدرسة وصافين طابور وقتها كنا صافين عادي بعدين قالوا قربوا شوي وقربنا وانا قربت وسحبت الشنطة برجلي بكل جهل وقتها جات تهاوشني الادارية وقالت ليش تسحبينها برجلك وكل كتاب فيه " بسم الله الرحمن الرحيم " وقتها ناسية وش سويت بالضبط لكن ممكن قلبت عيوني ؟ ناظرتها ولفيت وجهي ؟ فهل فيه كفر ولازم اتشهد واغتسل ؟

٢- انا حاطه اوراق قرآن مقطعة بكيس بس الاوراق مو مرتبة يعني متقرفطه ارتبها ؟ ولا ما يحتاج ؟

٣- اليوم جلست ابكي من تعبي من النجاسة تخيلي اني واقفة من العصر الى العشاء ولا ابي اجلس خايفة انجس بيتنا وقتها كنت انتظر ملابسي تنشف المهم اني رحت تسبحت ولبست الملابس لكن لما لبست لاحظت ان السروال فيه اثر من دم الدورة والحين بس خايفة ان ملابسي يجيها دم من الدورة واكون قاعدة اقرأ قرآن وطبعًا طول ما انا حاسه ان ملابسي نجسة ما اذكر الله ابدًا ادري انك قلتي ان الحائض مو طاهرة ويجوز لها قراءة القران وذكر الله على كل حال لكن اقول الحائض معذورة لانه شيء مو بيدها عكسي لذلك مستمرة اذا شفتني بمكان نجس او ملابسي نجسة ما اذكر الله ابدًا

٤- انا ما اعرف ليش بس تبقى بالمؤخرة ريحة خايسة ليش ؟ مدري مهما نظفت تبقى ايش حكمها ؟ يعني ريحة البراز وريحة دم الدورة تبقى ما تروح

٥- انا صمت ايام القضاء اللي علي من زمان لكن الحين افكر بشيء انا سويته برمضان كنت بنهار رمضان احط " تنت" وهو سايل زي الماء واذكر كان يروح بفمي لكن حاسة اني متعمدة ! المهم اني مدري كم يوم هي ؟ يعني ما عندي مشكلة اصومها لكن مدري كم يوم فكم اعتبرها يوم تقريبًا واصومها ؟

٦- اختي انتي ما جاوبتي علي يوم سألتك بخصوص اني لما امسح ورق القرآن بمنديل مبلل تصير الورقة كأنها متلوفه فهل انا محاسبة رغم ان الوصاخة ما تروح الا بمنديل مبلل ؟

٧- انا الملابس اللي تكون نجسة اغسلها مرتين يعني احط ماء وصابون واخلي الغسالة شغاله وبعدين اشطف الماء واحط ماء جديد ومعه صابون وبعدها انظف الملابس بماء بس بيدي الملابس كذا تنظف ؟ واحيانًا احط الملابس النجسة مع النظيفة واسوي كذا تنظف ؟ والحين صرت اشك بالغسالة بعد ما انظف الملابس النجسة يعني اقول الماء اكيد نجس وكان بالغسالة فاكيد الغسالة تنجست والماء باقي بالملابس يمكن لازم انظفها واحط ماء جديد بعدين احط الماء والصابون ؟ اكمل تنظيفي اللي دايم بس ؟

٨- انا في مرة كنت قاعدة انظف القرآن وكان باخر القرآن ورقة تقويم يعني احنا كنا لما نداوم ناخذ هذا القرآن وحطوا ذي الورقة يعني ان الطالبة حفظت ولا لا ؟ او كيف قراءتها ؟ المهم ان بكل مربع فيه اسم سورة من القرآن انا وقتها كنت راح ارمي الورقة بس قلت لا يمكن ما يجوز لان فيها اسم سور من القرآن وتركتها بس بعدين مرت كم دقيقة وانا انظف القرآن وسهيت وقطعت الورقة بس هي للحين موجودة باخر القرآن يجوز ارمي الورقة او لا ؟ وانا لما سهيت وقطعتها بعدها استوعبت بس كملت تقطيع وبعدها تركتها فيها كفر ؟

٩- انا قلت قبل ان بحصة القرآن احسني ارائي المهم الحين صرت اذا ما تدربت على القراءة اشيل هم واقول يمكن ما اقرأ زين وهنا شكيت اكثر رغم ان هي ملزمة علينا نتدرب زين قبل الدوام بس مدري

١٠- انا اليوم لما تسبحت وخلصت قلت اني شفت اثر دم الدورة المهم اني طلعت من الحمام ولا غيرته لان ما عندي سروال غيره المهم وقتها امي كانت حاطه قهوة وشاهي وانا شربت حليب وكنت متضايقة من اللي شفته وكلي تعب من موضوع النجاسة المهم كأني قلت لنفسي ( اشربي قهوة بس ) وقتها قلت لا ما راح اشرب ولا شربت بس بعدها بكم ساعة جلست افكر وقلت بنفسي ( انا احب القهوة ليش بتركها ؟ ) يعني انا حاطه ببالي ان كلامي ذا فيه كفر لان لما كنت متضايقه من موضوع النجاسة حسيت اني قلت كلامي كفري وكأني ابي الكفر وبعدها قلت ( اشربي قهوة بس )
وبعد لما شفت القرآن القديم اللي عندنا في يوم خلصت المناديل عندنا وبعدها صحيت الصباح وسألت اختي عادي ارسل اخوي ولا لا ؟ وقتها كانت الساعة ٧ الصباح وحسيت اني قلت بنفسي ( يارب تقول لا ترسلينه ) واستغربت مني اختي وبعدها نمت وبعد في مرة كنت شايلة هم موضوع اني ما نظفت القرآن بدري وكنت قاعدة انتظر شيء بس مدري وش وقلت لنفسي ( شوفي سنابات بس ) وقتها رحت حذفت السناب على طول والى الان حاذفته وخايفة احمله ويكون فيه كفر بسبب كلامي هذا فهل كل هذي الاشياء اللي سويتها فيها كفر ؟

https://www.alkhabeer2.com/t484-topic

https://www.alkhabeer2.com/t24-topic

https://www.alkhabeer2.com/t1393-topic

https://www.alkhabeer2.com/t218-topic

https://www.alkhabeer2.com/t31-topic

https://www.alkhabeer2.com/t32-topic

https://www.alkhabeer2.com/t33-topic

https://www.alkhabeer2.com/t220-topic

https://www.alkhabeer2.com/t108-topic

رغد تواصلي مع رقم الدورات والتحقي بدورة
الارقام موجودة في قسم الدورات في المنتدى

ضروري إما تطبقين البرنامج وإما تلتحقين بدورة .
لابد ان تضعين حد لاستمرارك مع الوسواس بهذا الشكل .

السلام عليكم ورحمة الله وبركاته
١- انا كنت اردد انشودة ريمي وهي تقول ( عندما تضحكين تضحك الحياة ) وانا وقتها كنت اقول (عندما تضحكين تضحك لنا الجنان ) لاني ناسيتها اصلاً المهم وقتها حسيت فيه شيء غلط وقلت خلاص اسكتي لين ما تتأكدين والحين تأكدت فهل فيه شيء من الكفر ؟

٢- الحين مثلاً لو جاني سؤال بالعقيدة وتجاهلته لكن السؤال باقي يتردد بذهني وانا ما اعرف اجابته لو بحثت وما لقيت اجابة لازم اسأل شيخ ؟ او اتجاهل وبس ؟ لان اخاف يكون عندي اعتقاد خاطئ لكن انا اركز بكل شيء حرفيًا لذلك ابي اتجاهل يعني ما ابي ابحث اساسًا لكن اخاف يكون عندي اعتقاد خاطئ

٣- الحين لو كلمت شخص انا اللي اعرفه ان السلام مستحب لكن الرد واجب المهم اني اذا بغيت اكلم شخص لازم اقول ( السلام عليكم ورحمة الله وبركاته ) واذا ما قلتها احس بالذنب ليش احس بالذنب ؟ لان لما ابي اقولها اتردد واحس كأني اشوفه شيء استحي منه ! لذلك اقول لو تركتيه وما قلتي السلام كامل ممكن يكون فيه كفر لان نيتك شينة لان اذكر نفسي ان السلام مستحب واقول ما فيه كفر بس ارد على نفسي واقول نيتك شينة لذلك ممكن فيه كفر فيه كفر ؟

٤- انا دايم اذا كنت بفترة الحيض يجي الوسواس ويقول هاه فرحانه عشانك ما تصلين ؟ وبعدين اقول اني مو فرحانه وبعدين اقول تنافقين بعد ؟ ترا ربي يعلم اللي بقلبك واذا انتي فرحانه او لا يعني حاسه اني فرحانه ومرتاحه والحين خصوصًا بذا الشهر وهذي الايام احس فيني كسل اني اصلي رغم ان الدورة للحين ما انتهت واخاف لما اغتسل اتكاسل عن الصلاة رغم اني عازمه اني من يوم اغتسل ماراح اعيد لا صلاة ولا وضوء بس مدري الصراحة خايفة فيه نفاق او لا ؟

عندي واجب بالانقليزي والواجب فيه سؤال اللي هو ( لو احترق بيتك وش اول شيء راح تاخذه ) انا وقتها على طول تذكرت فتوى قريتها اللي هي ذي
https://islamqa.info/ar/answers/191311/%D8%AA%D8%B1%D9%83-%D8%A7%D9%84%D9%85%D8%B5%D8%AD%D9%81-%D9%84%D9%8A%D8%AD%D8%AA%D8%B1%D9%82-%D9%81%D9%8A-%D9%85%D9%86%D8%B2%D9%84%D9%87-%D9%88%D9%8A%D8%AA%D9%87%D9%85-%D8%A7%D9%84%D8%AC%D8%A7%D9%86%D9%8A-%D8%A8%D8%B0%D9%84%D9%83
وجلست مترددة اكتب القرآن او لا ؟ واذا ما كتبت يعتبر فعل فيه كفر ؟ لان اقول لنفسي ان هم يقصدون اشياء عادية لا تكتبين القرآن ولو صار فعلًا راح تاخذين القرآن اكيد بس بعدين اقول ليش ما تكتبين القرآن طيب ؟ الحين لو كتبت مثلاً راح انقذ عائلتي فيه بأس يعني بسبب اللي ذكرته ؟

اجاباتك كلها هنا

https://www.alkhabeer2.com/t484-topic

https://www.alkhabeer2.com/t24-topic

https://www.alkhabeer2.com/t1393-topic

https://www.alkhabeer2.com/t218-topic

https://www.alkhabeer2.com/t31-topic

https://www.alkhabeer2.com/t32-topic

https://www.alkhabeer2.com/t33-topic

https://www.alkhabeer2.com/t220-topic

https://www.alkhabeer2.com/t108-topic

طيب الحين انا شفت ان اخذ حل الواجبات من النت يعتبر من الغش اذا كان الشخص مو فاهم شيء وشفت بعد ان ما يجوز اخذ البحوث من النت بس وش المقصد ؟ مدري
فأنا اللي اسويه اذا صار عندي بحث عن امراض مثلًا والامراض ما اعرف عنها شيء وبحثت بقوقل ونقلت المعلومات كذا يعتبر غش ؟
او بالانقليزي انا ما افهم فيه كثير واذا ابي اجاوب بالحصة ولا اعرف اقول الاجابة بالانقليزي اكتب الاجابة بمترجم قوقل وهو يحولها انقليزي لاني اساسًا ما اعرف كذا فيه غش ؟ او اني اطلع الجمل جاهزة من قوقل يعتبر غش او لا ؟
وباختبار الانقليزي انا اترجم الاسئلة للعربي واحلها بنفسي كذا فيه غش ؟ لاني اقول هو اساسًا اختبار للغتك وفهمك للانقليزي يمكن ما يجوز لك تسوين كذا !
ولما مثلًا المعلمة تسأل عن شيء وبحثت عنه بقوقل وجاوبت يعتبر غش ؟ وبالواجبات غالبًا اكون مو فاهمة الدروس بس كذا انقل الحل بس انا اطلعه من نفسي ولا ما يفرق طلعته بنفسي او لا كذا ولا كذا هو غش ؟
ياليت اللي عنده علم يفيدني

كل ماذكرتيه ليس غش بل هذا اجتهاد وطلب للعلم وبحث للمعلومه الصحيحه .

وجميع اسألتك السابقة يارغد ليست بكفر .. جميع اسالتك جملةً وتفصيلا ليست بكفر .. وسؤال الصيام ليس عليك قضاء ولا تقضين .

وبالنسبة لسؤالك/ انك لا تذكرين الله وملابسك نجسه او كان المكان فيه نجاسه .. اعلمي انها بدعه ولا يجوز الابتداع في الدين وانك محاسبه لو اطعتي الشيطان في هذا الامر .

وسؤال القران/ سبق وذكرت لك لستي محاسبة على تنظيفه لا بمنديل مبلل ولا غيره .. واوراق القران المتفرقه لا يلزم ترتيبها .

بخصوص سؤال النجاسه فقد ألمني كثيراا .. ياختي هل تقفين من العصر الى العشاء خوفا من النحاسه !!! ايعقل هذا !!
ارحمي نفسك يارغد فانتي محاسبة على تعذيبها بهذا الشكل .

والله إن تطبيقك للبرنامج اهون بكثير مما انتي فيه من عذاب وتعب .
او التحقي بدورة سأضع لك الرابط وتواصلي مع الرقم ستتحسن حالتك
لكن استمرارك واسترسالك هكذا مع الوسواس مصيبة .

ماتعانين منه وساوس متعددة وحيل من الشيطان تتلون وتتشكل كل مرة في أمر معين ثم ينتقل لامر اخر .. كلها وساوس من الشيطان حتى تظل حياتك دور في دائرة الوسواس يخرجك من موضوع ويدخلك في الاخر .

انا تو قلت ( الغالب على امري ) وجالسة اكررها بعدين استوعبت وحسيت ان كلامي فيه غلط وقلت وش الغالب على امري تقصدين الغالب على ظني وبحثت بقوقل كتبت ( الغالب على امري )
ولقيت آيه بالقرآن
{اللَّهُ غَالِبٌ عَلَى أَمْرِهِ}
اللي صار فيه كفر او لا ؟ رغم ما كنت قاصدة

انتي بنفسك قلتي انا مو قاصده،يعني مو كفر.